QR Code

ایران کو ہدف بنانے والے میزائل دفاعی نظام کی مخالفت کریں گے،ترک صدر

9 Nov 2010 20:45

اسلام ٹائمز:عبداللہ گل نے کہا ہے کہ میزائل دفاعی نظام دنیا بھر میں بین البراعظمی میزائل کی صلاحیت رکھنے والے نان نیٹو ممالک کے خلاف نصب کیا جا رہا ہے،تاہم اس ضمن میں صرف ایران کو ہدف بنانا ترکی کیلئے قابل قبول نہیں

انقرہ:اسلام ٹائمز-اے آر وائی نیوز کے مطابق ترک صدر عبداللہ گل نے کہا ہے کہ ترکی ایران کو ہدف بنانے والے اس یورپی دفاعی نظام کی مخالفت کرے گا جو نیٹو کی جانب سے نصب کیا جا رہا ہے۔ذرائع ابلاغ کو دیئے گئے انٹرویو میں عبداللہ گل نے کہا کہ نیٹو صرف ایک دفاعی تنظیم ہے جبکہ مذکورہ دفاعی نظام دنیا بھر میں بین البراعظمی میزائل کی صلاحیت رکھنے والے نان نیٹو ممالک کے خلاف نصب کیا جا رہا ہے،تاہم اس ضمن میں صرف ایران کو ہدف بنانا ترکی کیلئے قابل قبول نہیں۔انہوں نے نیٹو پر تنقید کرتے ہوئے کہا کہ ایران بحراوقیانوس کے ممالک کی دفاعی تنظیم کا رکن نہیں اور نہ ہی بین البراعظمی میزائل کی صلاحیت کا حامل ہے۔
 واضح رہے کہ نیٹو اور امریکہ یورپ کو کسی بھی حملے سے بچانے کیلئے میزائلوں کا دفاعی نظام نصب کر رہے ہیں جو کہ ممکنہ طور پر مشرق وسطی کے ملک ایران کے خلاف استعمال کیا جا سکتا ہے۔

خبر کا کوڈ: 43595