0
Monday 2 Feb 2015 18:57

جنوبی پنجاب دہشتگردوں کی آماجگاہ بن چکا ہے، صاحبزادہ حامد رضا

جنوبی پنجاب دہشتگردوں کی آماجگاہ بن چکا ہے، صاحبزادہ حامد رضا
اسلام ٹائمز۔ سنی اتحاد کونسل کے چیئرمین صاحبزادہ حامد رضا نے برطانیہ سے ٹیلی فون پر کونسل کی کور کمیٹی کے رکن مفتی محمد حسیب قادری سے گفتگو کرتے ہوئے کہاکہ حکومت دہشتگردی کی روک تھام میں بری طرح ناکام ہو چکی ہے، حکومت نے دہشتگردوں کی پھانسیاں روک دی ہیں۔ انہوں نے کہا کہ جنوبی پنجاب دہشتگردوں کی آماج گاہ بن چکا ہے، پنجاب میں دہشتگردی کے مراکز کیوں ختم نہیں کئے جا رہے؟ انہوں نے کہا کہ پنجاب حکومت کالعدم جماعتوں کے سامنے بے بس ہے، سیاسی جماعتیں کھل کر بتائیں کہ وہ دہشتگردوں کے ساتھ ہیں یا محب وطن عوام کے ساتھ، شدت پسندی اور دہشتگردی کے خلاف مل کر ایک آواز بننا ہو گا۔ انہوں نے کہا کہ عالم اسلام کا اتحاد ہی امت کے مسائل کا حل ہے، یورپ کی اسلام دشمنی کی مزاحمت کے لئے اسلامی دنیا مشترکہ لائحہ عمل تیار کرے۔ انہوں نے مزید کہا کہ مسلم حکمرانوں کی بزدلی امت  کے مسائل کا سبب ہے، حکومت نے ہمارے رہنماؤں سے سکیورٹی واپس لے کر انہیں دہشت گردوں کے رحم وکرم پر چھوڑ دیا ہے، اگر ہمارے کسی رہنما کو کچھ ہوا تو اس کی ذمہ دار پنجاب حکومت ہو گی اور اس کا مقدمہ شہباز شریف  کے خلاف درج کرایا جائے گا۔
خبر کا کوڈ : 436658
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش