کراچی، رینجرز کے ٹارگٹڈ آپریشن میں ۱۰ ملزمان گرفتار

اسلام ٹائمز۔ رینجرز نے کراچی کے علاقے محمود آباد میں ٹارگٹڈ آپریشن کرکے دس ملزمان کو گرفتار کرلیا۔ رینجرز کے ترجمان نے کراچی میں میڈیا سے گفتگو کرتے ہوئے بتایا کہ محمود آباد میں دہشتگردوں کی موجودگی کی خفیہ اطلاع موصول ہوئی تھی۔ جس پر سندھ رینجرز نے محمود آباد میں ٹارگٹڈ آپریشن کرتے ہوئے دس ملزمان کو گرفتار کیا ہے۔ ملزمان ڈکیتی، بھتہ خوری سمیت دیگر جرائم میں ملوث تھے۔ ترجمان رینجرز کے مطابق گرفتار ملزمان کو نامعلوم مقام پر منتقل کر دیا گیا ہے، جہاں ان سے مزید تفتیش کی جا رہی ہے۔