اسلام ٹائمز۔ جے یو آئی فیصل آباد کے عہدیداروں کا کہنا ہے کہ مدرسے کئی صدیوں سے اسلامی تعلیم و تربیت کے درخشندہ ستارے ہیں، 21 ویں آئینی ترمیم سامراجی طاقتوں کو خوش کرنے کی کوشش ہے۔ جمعیت علماء اسلام ضلع فیصل آباد تحصیل چک جھمرہ کے امیر قاری محمد اسماعیل اور جنرل سیکرٹری محمود الحسن نے پریس کانفرنس کرتے ہوئے کہا کہ جمعیت علماء اسلام مثبت جمہوری کردار پر یقین رکھتی ہے، مولانا فضل الرحمن کی قیادت میں جمعیت علماء اسلام پاکستان کو اسلامی نظام کے تحت چلانے کی جدوجہد کر رہی ہے۔ انہوں نے کہا کہ حکمران دہشت گردی کو مدرسوں کے سر تھونپ کر اپنی نااہلی چھپانے کی ناکام کوشش کر رہے ہیں۔