0
Tuesday 24 Mar 2015 20:44

یوم پاکستان پر مقبوضہ کشمیر میں تقریب، بھارتی میڈیا تلملا اٹھا

یوم پاکستان پر مقبوضہ کشمیر میں تقریب، بھارتی میڈیا تلملا اٹھا
اسلام ٹائمز۔ مقبوضہ کشمیر کے دارالحکومت سری نگر میں ہونے والی تقریب کی صدارت خاتون کشمیری رہنماء آسیہ اندرابی نے کی، تقریب میں سینکڑوں کشمیری خواتین شریک ہوئیں۔ پاکستان کی محبت میں سجائی گئی تقریب میں سبز ہلالی پرچم خصوصی طور پر آویزاں کیا گیا۔ تقریب میں نہ صرف یوم پاکستان کی مناسبت سے اظہار خیالات کیا گیا بلکہ کشمیری خواتین نے مل کر قومی ترانہ بھی پڑھا۔ تقریب کی ویڈیو سامنے آئی تو حسب عادت بھارتی میڈیا تلملا اٹھا۔ بھارتی ٹی وی نے کشمیری رہنماء آسیہ اندرابی سے بات کی تو انہوں نے برملا اعتراف کیا۔ واضع رہے کہ کشمیریوں کی پاکستان سے بے لوث محبت دیکھ کر انتہاء پسند بھارتی ہندو اور متعصب میڈیا ہمیشہ ہی تڑپتے رہے ہیں۔ پاکستان سے محبت کرنے پر انتہاء پسند ہندو اس سے پہلے کئی کشمیری طلبہ کو تشدد کا نشانہ بنا چکے ہیں۔ یہاں تک کہ پاکستانی کرکٹ ٹیم کی حمایت پر کئی کشمیری طلبہ کو نہ صرف بھارتی یونیورسٹیوں سے نکالا جا چکا ہے بلکہ ان پر بغاوت کے مقدمے بھی درج کیے گئے ہیں۔
خبر کا کوڈ : 449796
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش