QR Code

لاڑکانہ میں موسلا دھار بارش کے باعث ذوالفقار بھٹو کی برسی کا مرکزی جلسہ منسوخ

3 Apr 2015 20:43

اسلام ٹائمز: کراچی، حیدرآباد اور دیگر شہروں سے آنیوالے قافلوں کو جلسہ گاہ آنے سے روک دیا، گڑھی خدا بخش میں تیز ہواؤں کے باعث جلسہ گاہ میں لگائے گئے ٹینٹ اکھڑ گئے، جبکہ موسلا دھار بارش کے باعث جگہ جگہ پانی کھڑا ہے اور میدان کیچڑ سے بھر گیا۔

اسلام ٹائمز۔ پاکستان پیپلز پارٹی نے بانی ذوالفقار علی بھٹو کی برسی پر کل ہونیوالا مرکزی جلسہ منسوخ کر دیا، لاڑکانہ اور گرد و نواح میں موسلا دھار بارش اور تیز ہواؤں کے باعث سندھ بھر سے آنیوالے قافلوں کو بھی روک دیا گیا۔ تفصیلات کے مطابق لاڑکانہ اور گرد و نواح میں موسلا دھار اور تیز ہواؤں کا سلسلہ جاری ہے، جس کے باعث پاکستان پیپلز پارٹی نے گڑھی خدا بخش میں ہونیوالا ذوالفقار علی بھٹو کی برسی کا مرکزی جلسہ منسوخ کر دیا، جبکہ کراچی، حیدرآباد اور دیگر شہروں سے آنیوالے قافلوں کو جلسہ گاہ آنے سے روک دیا۔ اطلاعات کے مطابق گڑھی خدا بخش میں تیز ہواؤں کے باعث جلسہ گاہ میں لگائے گئے ٹینٹ اکھڑ گئے، جبکہ موسلا دھار بارش کے باعث جگہ جگہ پانی کھڑا ہے اور میدان کیچڑ سے بھر گیا۔ گڑھی خدا بخش میں پیپلز پارٹی کے بانی ذوالفقار علی بھٹو کے مزار کے قریب میدان میں برسی کی تقریب منعقد ہونی تھی۔

خبر کا کوڈ: 451786