پاکستان یمن کی صورتحال میں دونوں ملکوں کے مابین صلح کروائے، حافظ فداالرحمن

اسلام ٹائمز۔ جماعت اسلامی خوشاب کے ضلعی نائب امیر حافظ فدا الرحمن نے تنظیمی اجلاس سے خطاب کرتے ہوئے کہا ہے کہ کراچی کا امن تباہ کرنیوالوں کو سخت سزائیں دی جائیں۔ اپنے خطاب میں انکا کہنا تھا کہ دہشتگردی اسلام میں ناقابل قبول ہے، دینی مدارس اور مساجد کو دہشتگردی کے مراکز کہنے والے بتائیں، ایم کیو ایم کے لوگ کس مدرسہ سے فارغ التحصیل ہیں۔ انہوں نے کہا کہ اگر حکومت نے سنجیدگی کا مظاہرہ کیا تو دہشتگردی کا خاتمہ ہو سکتا ہے، دہشتگردی کا ذمہ دار اسلام کو قرار دیا جا رہا ہے۔ انکا کہنا تھا کہ سعودی عرب اور یمن کی صورتحال میں ہمیں چاہیے کہ دونوں ملکوں میں صلح کروائی جائے، لیکن اگر حرمین شریفین پر کسی نے میلی آنکھ سے دیکھا تو بھرپور جواب دیا جائیگا۔