QR Code
یمن جنگ میں فریق نہ بننے پر یو اے ای کے بعد عرب پارلیمنٹ کے چیئرمین بھی پاکستان پر برہم
12 Apr 2015 19:08
اسلام ٹائمز: عرب میڈیا رپورٹس کے مطابق عرب پارلیمنٹ کے چیئرمین احمد بن محمد الجروان نے پاکستان کی جانب سے یمن جنگ میں فریق نہ بننے کے فیصلے پر برہمی کا اظہار کرتے ہوئے کہا ہے کہ پاکستان کی پارلیمنٹ کا فیصلہ عرب اور اسلامی ممالک کے مؤقف سے متصادم ہے۔
اسلام ٹائمز۔ متحدہ عرب امارات کے وزیر خارجہ کے بعد عرب پارلیمنٹ کے چیرمین احمد بن محمد الجروان نے بھی پاکستان کی جانب سے یمن جنگ میں غیر جانبدار رہنے کے فیصلے پر برہمی ظاہر کی ہے۔ عرب میڈیا رپورٹس کے مطابق عرب پارلیمنٹ کے چیرمین احمد بن محمد الجروان نے پاکستان کی جانب سے یمن جنگ میں فریق نہ بننے کے فیصلے پر برہمی کا اظہار کرتے ہوئے کہا ہے کہ پاکستان کی پارلیمنٹ کا فیصلہ عرب اور اسلامی ممالک کے مؤقف سے متصادم ہے۔ واضح رہے کہ گزشتہ روز متحدہ عرب امارات کے وزیر خارجہ ڈاکٹر انور قرقاش نے بھی پاکستانی پارلیمنٹ کے فیصلے پر سخت برہمی کا اظہار کرتے ہوئے کہا تھا کہ اسلام آباد کو اپنے فیصلے کی سخت قیمت چکانی پڑ سکتی ہے۔
خبر کا کوڈ: 453845
اسلام ٹائمز
https://www.islamtimes.org