QR Code
نیپرا کا بجلی 4 روپے 42 پیسے فی یونٹ سستی کرنے کا اعلان
22 Apr 2015 18:47
اسلام ٹائمز: حکام کا کہنا ہے کہ فرنس آئل کی قیمت کم ہونے کی وجہ سے پہلی مرتبہ بجلی ریکارڈ سستی ہوئی، فروری میں تقسیم کار کمپنیوں کو پونے 6 ارب یونٹ بجلی فروخت کی گئی تھی۔
اسلام ٹائمز۔ عوام کیلئے اچھی خبر، نیشنل الیکٹرک پاور ریگولیٹری اتھارٹی نے بجلی 4 روپے 42 پیسے فی یونٹ سستی کرنے کا نوٹیفکیشن جاری کردیا۔ نیپرا کے مطابق بجلی فروری کی فیول ایڈجسٹمنٹ کی مد میں سستی کی گئی ہے، کراچی کے علاوہ ملک بھر کے صارفین کو 25 ارب روپے کا ریلیف ملے گا، 50 یونٹ ماہانہ استعمال کرنیوالے گھریلو صارفین پر نرخوں میں کمی کا اطلاق نہیں ہوگا۔ نیپرا نے تقسیم کار کمپنیوں کو مئی کے بلوں میں صارفین کو ریلیف منتقل کرنے کی ہدایت کی ہے، حکام کا کہنا ہے کہ فرنس آئل کی قیمت کم ہونے کی وجہ سے پہلی مرتبہ بجلی ریکارڈ سستی ہوئی، فروری میں تقسیم کار کمپنیوں کو پونے 6 ارب یونٹ بجلی فروخت کی گئی تھی۔
خبر کا کوڈ: 456028