نادرا نے عمران خان کی درخواست پر ڈی جی نادرا مظفر علی کو ہٹانے سے انکار کردیا

اسلام ٹائمز۔ نادرا نے عمران خان کی درخواست پر ڈی جی نادرا مظفر علی کو ہٹانے سے انکار کر دیا۔ نادرا کی جانب سے چیئرمین تحریک انصاف کے خط کے جواب میں کہا گیا ہے کہ مصدقہ ثبوت کی عدم موجودگی میں ڈی جی نادرا کے خلاف کارروائی انصاف کے تقاضوں پر مبنی نہیں ہو گی۔ تفصیلات کے مطابق، نادرا نے چیئرمین تحریک انصاف عمران خان کے خط کا جواب دیدیا ہے۔ اپنے خط میں نادرا نے کہا ہے کہ محض غیر مصدقہ الزامات کی بنیاد پر ڈی جی نادرا کے خلاف ایکشن نہیں لیا جا سکتا۔ خط میں نادرا نے عمران خان سے ڈی جی نادرا مظفر علی کے خلاف ثبوت مانگے ہیں اور ان سے کہا گیا ہے کہ مصدقہ ثبوت کی عدم موجودگی میں ڈی جی نادرا کے خلاف کارروائی انصاف کے تقاضوں پر مبنی نہیں ہو گی۔