0
Saturday 2 May 2015 12:12

افغان حکومت اور طالبان کے درمیان کل سے قطر میں امن مذاکرات کا امکان

افغان حکومت اور طالبان کے درمیان کل سے قطر میں امن مذاکرات کا امکان
اسلام ٹائمز۔ افغانستان میں قیام امن کے لئے قطر میں اتوار سے حکومت اور طالبان میں باضابطہ مذاکرات شروع ہونے کا امکان ہے۔ برطانوی خبر رساں ادارے کے مطابق قطر میں اتوار سے دو روزہ علاقائی کانفرنس شروع ہورہی ہے، امن کا نوبل انعام حاصل کرنے والی بین الاقوامی تنظیم پگواش کونسل کی جانب سے منعقدہ اس علاقائی کانفرنس میں افغان حکام اور طالبان کے درمیان افغانستان میں امن قائم کرنے کے لئے تفصیلی بات ہوگی، جس میں افغان حکومت اور طالبان کے علاوہ پاکستان کے خصوصی نمائندے بھی شریک ہوں گے۔ افغانستان میں امن کے لئے ہونے والے ان مذاکرات میں 20 رکنی افغان حکومتی وفد قطر پہنچ گیا ہے، اس کے علاوہ افغان طالبان کے ترجمان ذبیح اللہ مجاہد نے بھی تصدیق کی ہے کہ اس کانفرنس میں طالبان کا 8 رکنی وفد شرکت کرے گا۔ ان کا کہنا ہے کہ اس کانفرنس میں شرکت کرنے کا مطلب امن کے حوالے سے بات چیت یا مذاکرات ہرگز نہیں۔ واضح رہے کہ ماضی میں بھی افغان حکومت اور طالبان کے درمیان مصالحت کے لیے کئی مرتبہ کوششیں کی جاچکی ہیں۔ اس سلسلے میں 2013ء میں امریکا کی رضامندی سے قطر میں طالبان کا دفتر بھی قائم کیا گیا تھا۔
خبر کا کوڈ : 457786
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش