اسلام ٹائمز۔ آج بہاول پور میں ہونے والی ایک تقریب میں وزیراعظم میاں محمد نواز شریف کے خطاب سے پہلے وزیراعلیٰ پنجاب شہباز شریف نے تحریک انصاف کی احتجاجی سیاست پر کھل کر تنقید کی اور کہا کہ دھرنوں کی وجہ سے کئی ترقیاتی منصوبے متاثر ہوئے اور عوام کو نقصان پہنچا۔ لیکن اللہ نے پاکستان کو بچالیا۔ وزیر اعلی پنجاب کا کہنا تھا کہ منصوبے سے علاقے میں ترقی اور خوشحالی آئے گی، اور وہ شکر گزار ہیں کہ توانائی منصوبے کی بروقت تکمیل کے لیے وزیراعظم نے دلچسپی لی۔