کراچی آپریشن کا اگلا مرحلہ، ساڑھے تین سو کرپٹ افسران، سیاستدانوں اور بیوروکریٹس کی فہرست تیار

اسلام ٹائمز۔ کراچی آپریشن کے اگلے مرحلے کی منظوری دے دی گئی ہے۔ اقتصادی دہشت گردی کو جڑ سے اکھاڑ پھینکا جائے گا۔ ساڑھے تین سو کرپٹ افسران سیاستدانوں اور بیوروکریٹس کی فہرست تیار کرلی گئی۔ کرپشن کی گنگا میں غوطے لگانے والے کرپٹ سیاستدانوں، یا بیورو کریٹس، بدعنوان سرکاری افسران کو گرفت میں لانے کی تیاریاں مکمل کر لی گئی ہیں۔ کراچی آپریشن کے اگلے مرحلے کی منظوری دیدی گئی ہے، جس میں ناجائز طریقے سے مال بنانے والوں پر ہاتھ ڈالا جائے گا۔ ساڑھے تین سو سے زائد بدعنوان افراد کی فہرست تیار کرکے ان کے گرد گھیرا تنگ کرلیا گیا ہے،صرف یہی نہیں بلکہ نیب کو بھی کارروائی کیلئے گرین سگنل مل گیا ہے۔