آئی جی سندھ کو عہدے سے ہٹانے کا فیصلہ واپس لے لیا گیا

اسلام ٹائمز۔ وزیراعلیٰ سندھ سید قائم علی شاہ نے آئی جی سندھ غلام حیدر جمالی کو عہدے سے ہٹانے کے تھوڑی ہی دیر بعد اپنا فیصلہ واپس لے لیا۔ تفصیلات کے مطابق وزیراعلیٰ سندھ سید قائم علی شاہ نے اسلام آباد سے کراچی پہنچنے پر آئی جی سندھ کے ہمراہ صفورا گوٹھ کا دورہ کیا، تاہم بعد ازاں انہیں عہدے سے ہٹا دیا گیا، تاہم تھوڑی ہی دیر بعد انہوں نے اپنا فیصلہ واپس لے لیا۔ ترجمان وزیراعلیٰ سندھ کے مطابق آئی جی غلام حیدر جمالی پر اعتماد ہے اور وہ اپنے عہدے پر بدستور کام کرتے رہیں گے، آئی جی سندھ اور ان کی ٹیم نے کئی اہم کیسز حل کئے ہیں۔