اسلام ٹائمز۔ سہ فریقی اتحاد کے صدر اور اے این پی کے مرکزی جنرل سیکرٹری میاں افتخار حسین نے کہا ہے کہ دھنادلی کے خلاف ہمارے احتجاج کا پہلا مرحلہ کامیابی سے مکمل ہو گیا۔ ایک قدم سے صوبائی حکومت لرز اٹھی ہے اگلہ مرحلہ 16 جون کو ہو گا۔ باچا خان مرکز، پشاور میں پریس کانفرس کرتے ہوئے میاں افتخار حسین کا کہنا تھا کہ دھنادلی کے خلاف آج کا احتجاج کامیاب رہا۔ کارکنوں کا شکریہ ادا کرتا ہوں۔ اگر ہماری وجہ سے کسی کو تکلیف پہنچی ہو، تو اس کے لیے معذرت خواہ ہوں۔ احتجاج کا پہلا مرحلہ آج تھا اور اگلہ مرحلہ 16 جون کو پشاور میں ہو گا۔ ہمارا احتجاج اس وقت تک جاری رہے گا، جب تک خیبر پختون خوا حکومت مستفعی ہو کر نگران سیٹ اپ نہ بنائے۔ حکومت کی جانب سے بھلائی گئی اے پی سی کو مسترد کر چکے ہیں۔