اسلام ٹائمز۔ وزیر اطلاعات و بلدیات سندھ شرجیل انعام میمن نے نئے بجٹ کو عوام دوست قرار دیتے ہوئے ایم کیو ایم کی ہڑتال کو افسوسناک قرار دیا ہے۔ ایک بیان میں شرجیل میمن نے تعجب کا اظہار کرتے ہوئے کہا کہ ایم کیو ایم نے سندھ کا بجٹ پڑھے بغیر ہڑتال کی کال دی ہے۔ انہوں نے کہا ہڑتال سے معیشت کو نقصان ہوگا اور مزدور طبقہ پریشان ہوگا۔ ان کا کہنا تھا کہ عوام کو کسی دباؤ میں آنے کی ضرورت نہیں، وہ اپنی مرضی سے کاروبار کھول سکتے ہیں، حکومت انہیں مکمل تحفظ فراہم کرے گی۔