QR Code

مسلم لیگ (ق) کا پنجاب کے بجٹ کیخلاف احتجاج کا اعلان

15 Jun 2015 02:28

اسلام ٹائمز: لاہور میں اپنی رہائشگاہ پر پریس کانفرنس سے خطاب کرتے ہوئے قاف لیگ کے رہنماء چوہدری پرویز الہٰی نے پنجاب کے بجٹ کو مسترد اور پنجاب اسمبلی کے اندر، باہر احتجاج کا اعلان کرتے ہوئے کہا ہے کہ ریسیکیو 1122 کے بجٹ میں دو سو ملین کمی کرکے اس کے لئے اخبارات میں عطیے کے اشتہارات دیئے گئے ہیں۔

اسلام ٹائمز۔ پنجاب کے حالیہ بجٹ کو مسلم لیگ قاف نے مسترد کرکے پنجاب اسمبلی کے اندر اور باہر احتجاج کرنے کا اعلان کیا ہے۔ لاہور میں اپنی رہائش گاہ پر پریس کانفرنس سے خطاب میں چوہدری پرویز الہٰی کا کہنا تھا کہ پنجاب کے حکمرانوں نے مجموعی طور پر آٹھواں بجٹ پیش کیا، مگر بجٹ ان کی ناکامیوں کی داستان پیش کر رہا ہے۔ شہباز حکومت نے پچھلے سال ترقیاتی بجٹ کے لئے 345 ارب کا اعلان کیا، مگر جاری صرف 195 ارب کئے۔ اب تک لاہور میٹرو بس کو 24 ارب کی سبسٹڈی دی جا چکی ہے۔ انہوں نے کہا کہ 100 ارب کا سرپلس صوبہ چھوڑا تھا، مگر اس بجٹ میں اب 100 ارب صرف سود کی ادائیگی کے لئے رکھا گیا ہے۔ ریونیو ہدف بھی اٹھانوے ارب کے برعکس صرف 47 ارب اکھٹا ہو سکا ہے۔ ریسیکیو 1122 جسے ادارے کو بجٹ میں بری طرح نظر انداز کیا گیا ہے۔ پرویز الہیٰ کا کہنا تھا کہ پنجاب حکومت نے لوگوں کو رہائشی سہولتیں دینے کی بجائے پانچ نئی جیلوں کا اعلان کر دیا ہے۔ جہاں پر رہائش اور کھانا مفت دینے کا کہا گیا ہے۔ پرویز الہٰی نے بلدیاتی انتخابات مرحلہ وار کی بجائے ایک ہی فیز میں فوج کی نگرانی میں کرانے کا مطالبہ کیا۔

خبر کا کوڈ: 466606