جنرل راحیل شریف کی روسی چئیرمین ڈوما سے ملاقات، دوطرفہ امور پر تبادلہ خیال

اسلام ٹائمز۔ آرمی چیف جنرل راحیل شریف نے روسی پارلیمنٹ ڈوما کے چیئرمین سے ملاقات کی ہے اور دوطرفہ تعلقات پر تبادلہ خیال کیا۔ آرمی چیف نے کریملن میں دفاعی نمائش میں شرکت کی اور جنگی جہازوں اور ہیلی کاپٹرز کی صلاحیتوں کا عملی مظاہرہ بھی دیکھا۔ ڈی جی آئی ایس پی آر میجر جنرل عاصم باجوہ کے مطابق آرمی چیف راحیل شریف نے ماسکو میں انتہائی مصروف دن گزارا۔ آرمی چیف نے روس کی پارلیمنٹ ڈوما کے چیئرمین سے اہم ملاقات کی جس میں دوطرفہ تعلقات سمیت اہم علاقائی اور بین الاقوامی معاملات پر تبادلہ خیال کیا گیا۔ ڈوما کے چیئرمین نے خطے میں امن و استحکام کے فروغ کیلئے پاکستان کی کوششوں کی تعریف کی اور یقین دلایا کہ روس دہشتگردی کیخلاف جنگ میں پاکستان کیساتھ کھڑا ہے۔