QR Code
وزیراعظم کی رمضان المبارک میں سزائے موت پر عملدرآمد روکنے کی ہدایت
19 Jun 2015 14:56
اسلام ٹائمز: وزیراعظم نواز شریف کی جانب سے اس سلسلے میں وزارت داخلہ اور صوبائی حکومتوں کو بھی موثر عملدرآمد یقینی بنانے کی ہدایات جاری کردی گئی ہیں۔
اسلام ٹائمز۔ وزیراعظم نواز شریف نے رمضان المبارک میں سزائے موت کے مجرموں کی سزا پر عملدرآمد معطل کرنے کی ہدایت کی ہے۔ ایک نجی ٹی وی کے مطابق وزیراعظم نواز شریف نے رمضان المبارک میں سزائے موت کے مجرموں کی سزا پر عملدرآمد روکنے کی ہدایت کرتے ہوئے کہا ہے کہ جن مجرموں کی سزا پر عملدرآمد رمضان المبارک میں ہونا تھا، ان کو عارضی طور پر معطل کیا جائے تاکہ رمضان کے مقدس مہینے کے تقدس کو برقرار رکھا جائے۔ وزیراعظم نواز شریف کی جانب سے اس سلسلے میں وزارت داخلہ اور صوبائی حکومتوں کو بھی موثر عملدرآمد یقینی بنانے کی ہدایات جاری کردی گئی ہیں۔
خبر کا کوڈ: 467700