اسلام ٹائمز۔ پیپلزپارٹی پنجاب کے اہم رہنماؤں نے پی ٹی آئی میں شمولیت کا فیصلہ کر لیا ہے۔ پی ٹی آئی میں شامل ہونے والے ارکان میں سابق وفاقی و صوبائی وزرا بھی شامل ہیں۔ پیپلزپارٹی پنجاب کے جن رہنماؤں کی آج عمران خان سے ملاقات متوقع ہے ان میں صمصام بخاری، اشرف سوہنا اور طارق انیس شامل ہیں۔ پیپلزپارٹی کے یہ رہنما عمران خان سے ملاقات میں پی ٹی آئی میں شمولیت کا اعلان کریں گے۔ اس موقع پر ایک پریس کانفرنس کیے جانے کا بھی امکان ہے۔