سابق طالبان ترجمان شاہد اللہ شاہد میزائل حملے میں ہلاک

اسلام ٹائمز۔ کالعدم تحریک طالبان پاکستان کے سابق ترجمان شاہد اللہ شاہد کو افغانستان میں امریکی میزائل حملے میں ہلاک کر دیا گیا ہے۔ افغان میڈیا کے مطابق میزائل حملہ افغانستان کے علاقے ننگرہار میں کیا گیا تھا، جس میں سابق طالبان ترجمان شاہد اللہ شاہد سمیت 52 داعش جنگجو ہلاک ہوئے تھے۔ واضح رہے کہ ٹی ٹی پی کے سابق ترجمان شاہد اللہ شاہد نے داعش میں شمولیت اختیار کرلی تھی۔