اسلام آباد سے کوئٹہ جانے والا جہاز حادثے سے بال بال بچ گیا

اسلام ٹائمز۔ اسلام آباد سے کوئٹہ جانے والی نجی ایر لائن کی پرواز ایل ایل 151 حادثے سے بال بال بچ گئی۔ تفصیلات کے مطابق کوئٹہ ائیر پورٹ پر لینڈنگ کے وقت طیارے کا ٹائر پھٹ گیا، تاہم پائلٹ بہت مہارت کے ساتھ طیارے کو روکنے میں کامیاب ہوگیا۔ جس کے باعث پرواز حادثے کا شکار ہونے سے بچ گئی۔ ذرائع کے مطابق مذکورہ پرواز میں اسلام آباد ہائی کورٹ کے جسٹس انور کاسی بھی سوار تھے۔