اسلام ٹائمز۔ ایف آئی اے اور نیب کی مشترکہ ٹیم نے چائنہ کٹنگ کے سلسلے میں تفتیش مزید تیز کر دی ہے۔ ایف آئی اے اور نیب کی ٹیم نے کے ڈی اے کے لینڈ ڈیپارٹمنٹ میں چھاپہ مار کر وہاں افسران سے پوچھ گچھ کی۔ ذرائع کا کہنا ہے کہ ٹیم نے کے ڈی اے کی سکیموں سے متعلق نقشہ جات اور دیگر ریکارڈ بھی اپنے قبضے میں لے لیا ہے۔ ذرائع کا کہنا ہے کہ ٹیم نے تفتیش کے لئے کے ڈی کے مزید افسران کو بھی بیانات قلمبند کرانے کے لئے طلب کر لیا ہے۔