اسلام ٹائمز۔ وزیراعلیٰ خیبر پختونخوا پرویز خٹک کا کہنا ہے کہ ماضی میں خیبر پختونخوا پر ڈاکوؤں کی حکومت تھی، اب کسی کو خزانہ لوٹنے نہیں دیں گے۔ تھانہ شرقی پشاور کے پولیس رپورٹنگ روم کے افتتاح کے بعد خطاب میں وزیراعلیٰ پرویز خٹک نے کہا کہ ماضی میں سیاسی مداخلت نے پولیس کا حلیہ بگاڑ دیا تھا۔ تھانہ کلچر بدلنے کی کوششوں کے مثبت اثرات آنا شروع ہوگئے ہیں۔ ماضی میں یہ ڈاکوؤں کا گڑھ تھا، سرکاری اسکولوں پر ذاتی گھر اور سڑکوں پر تجاوزات بنائی گئیں۔ خزانے کو لوٹا گیا لیکن اب کسی کو رشوت اور کرپشن پر معاف نہیں کیا جائے گا۔