اسلام ٹائمز۔ جماعت اسلامی اور اسلامی جمعیت طلبہ پاکستان کی جانب سے چار ستمبر کو پورے ملک میں یوم حجاب منایا گیا۔ اسلامی جمعیت طالبات کے زیراہتمام بھی یوم حجاب کے سلسلے میں یونیورسٹی آف سرگودھا میں تقریب منعقد ہوئی۔ تقریب کے دوران اسلامی جمعیت طالبات کی عہدیداران نے طالبات کو پردے کی افادیت سے آگاہ کیا اور کہا کہ پردہ مسلمان عورت کی شان ہے جس کی ہمیں حفاظت کرنی چاہئے، حجاب مسلمان خواتین کی عصمت و عفت کا محافظ دینی اور مذہبی شعار ہے، جو تعمیر شخصیت کا ضامن ہے۔