بڈھ بیر حملہ، پاکستان کا افغانستان پر عسکری اور سیاسی دباؤ بڑھانے کا فیصلہ

اسلام ٹائمز۔ بڈھ بیر حملہ کے بعد پاکستان نے افغانستان پر عسکری اور سیاسی دباؤ بڑھانے کا فیصلہ کیا ہے، پاکستانی وفد حملے کے ثبوت دینے کابل جائے گا۔ وفد افغان خفیہ ایجنسی اور ’’را‘‘ کے گٹھ جوڑ کے ثبوت بھی افغان حکمرانوں کے حوالے کرے گا۔ تفصیلات کے مطابق بڈھ بیر ایئربیس کیمپ پر حملہ کے بعد پاکستان نے افغانستان پر عسکری اور سیاسی دباؤ بڑھانے کا فیصلہ کر لیا ہے۔ پاکستانی وفد حملے کے ثبوت دینے کابل جائے گا جبکہ افغانستان کے صدر کو افغان خفیہ ایجنسی اور ’’را‘‘ کے گٹھ جوڑ کے ثبوت بھی دیئے جائیں گے۔