QR Code

حج کے بعد واپسی شروع، پہلی پرواز لاہور پہنچ گئی

27 Sep 2015 10:46

اسلام ٹائمز: جدہ سے صبح 5 بجے لاہور آنیوالی نجی ائیرلائن کی پرواز سے 35 حجاج کرام لاہور کے علامہ اقبال انٹرنیشنل ائیرپورٹ پہنچے۔

اسلام ٹائمز۔ سعودی عرب سے حجاج کرام کی واپسی کا سلسلہ شروع ہو گیا ہے، جدہ سے لاہور کیلئے نجی ائر لائن کی پہلی پرواز 35 حاجیوں کو لیکر آج صبح 5 بجے لاہور ائیرپورٹ پہنچی۔ پی آئی اے کی پروازوں کی واپسی کا آغاز آج رات سے ہو گا۔ فریضہ حج کی ادائیگی کے بعد حجاج کرام کی وطن واپسی کا عمل شروع ہو گیا ہے، جدہ سے صبح 5 بجے لاہور آنیوالی نجی ائرلائن کی پرواز سے 35 حجاج کرام لاہور کے علامہ اقبال انٹرنیشنل ائیرپورٹ پہنچے، حجاج کے گھر والے اور رشتہ دار ائیرپورٹ پر موجود تھے، جنہوں نے ان کا پرتپاک استقبال کیا۔ حاجیوں کی وطن واپسی کے لیے باقاعدہ حج آپریشن آج سے شروع ہو رہا ہے اور اس کے تحت پہلی حج پرواز آج رات ایک بجے لاہور پہنچے گی۔

خبر کا کوڈ: 487592