اسلام ٹائمز۔ بلوچستان اسمبلی کے اسپیکر میر عبدالقدوس بزنجو نے کہا ہے کہ مری معاہدے کے تحت 4 دسمبر کے بعد بلوچستان کے نئے وزیراعلٰی مسلم لیگ (ن) کے صوبائی صدر ہونگے۔ مری معاہدے کے تحت اڑھائی سال کیلئے نیشنل پارٹی کے ڈاکٹر عبدالمالک وزیراعلٰی تھے۔ مری معاہدے کے تحت اڑھائی سال کی مدت 4 دسمبر 2015ء کو پوری ہورہی ہے۔ جس کے بعد مسلم لیگ (ن) کے صوبائی صدر و چیف آف جھالاوان نواب ثناءاللہ خان زہری بلوچستان کے نئے وزیراعلٰی ہونگے۔ ایک سوال کے جواب میں میرعبدالقدوس بزنجو نے کہا کہ دسمبر میں بننے والی نئی حکومت میں نئے اتحادی بھی شامل ہوسکتے ہیں۔