عوام بلدیاتی انتخابات میں برسراقتدار پارٹی کا کڑا احتساب کریں گے، حسن انعام پراچہ

اسلام ٹائمز۔ سرگودہا کی تحصیل اور تاریخی اہمیت کے حامل قصبہ بھیرہ میں پاکستان تحریک انصاف کے رہنمائوں حسن انعام پراچہ اور ڈاکٹر ملک محمد افتخار احمد نسیم نے کارکنوں کے اجتماع سے خطاب کرتے ہوئے کہا ہے کہ عوام بلدیاتی انتخابات میں ووٹ کی طاقت سے برسراقتدار پارٹی کا کڑا احتساب کریں گے۔ انکا کہنا تھا کہ تحریک انصاف لوٹ مار، قبضہ مافیا، بھتہ خور عناصر کا قلع قمع کرنے کی جدوجہد جاری رکھے گی۔ انہوں نے کہا کہ عوام کھرے کھوٹے کو پہچان چکے ہیں، پی ٹی آئی بلدیاتی الیکشن میں کلین سویپ کرے گی۔