اسلام ٹائمز - آزاد کشمیر میں سردی کی شدت میں اضافہ

اسلام ٹائمز: مظفرآباد میں گیس سلنڈر 13 سو ، وادی لیپہ اور نیلم کے علاقوں میں 2 ہزار سے 25 سو روپے تک فروخت ہو رہا ہے۔ لکڑی 7 سو سے ایک ہزار روپے فی من فروخت کی جا رہی ہے۔

اسلام ٹائمز۔ آزاد کشمیر کے اکثر علاقوں میں غیر متوقع بارش اور پہاڑوں پر برف باری سے سردی کی شدت میں اضافہ ہو گیا ہے، ایندھن کے لیے استعمال ہونے والی لکڑی، کوئلے، گیس کی قلت اور قیمتوں میں اضافے نے لوگوں کی مشکلات کو مزید بڑھا دیا ہے۔ مظفرآباد، راولاکوٹ اور باغ سمیت اکثر علاقے سردی کی لپیٹ میں ہیں۔ مظفرآباد میں گیس سلنڈر 13 سو ، وادی لیپہ اور نیلم کے علاقوں میں 2 ہزار سے 25 سو روپے تک فروخت ہو رہا ہے۔ لکڑی 7 سو سے ایک ہزار روپے فی من فروخت کی جا رہی ہے۔ لوگوں کا کہنا ہے کہ مہنگائی کے دور میں سلنڈر اور لکڑی خرید کر استعمال نہیں کر سکتے، درختوں کی کٹائی مجبوری ہے۔