اسلام ٹائمز۔ وفاقی وزیر اطلاعات پرویز رشید نے کہا ہے کہ کراچی میں جاری آپریشن میں رینجرز کے اخراجات وفاقی حکومت ادا کر رہی ہے اور وفاق شہر میں پانی کے منصوبے کے لیے 22ارب روپے ادا کر چکی ہے۔ ان خیالات کا اظہار انہوں نے نجی ٹی وی چینل کے پروگرام میں خصوصی گفتگو کرتے ہوئے کیا ہے۔ ان کا کہنا تھا کہ صوبوں کے پاس اپنے وسائل بہت زیادہ ہیں، پنجاب میں صوبائی حکومت کے منصوبوں پر کام ہو رہا ہے۔ انھوں نے کہا ہے کہ پنجاب کی طرح سندھ حکومت کو بھی اپنے وسائل استعمال کرنے چاہئیں۔