بیروت میں خودکش دھماکے صہیونی اور سعودی حمایت یافتہ تکفیریوں کی کارستانی ہے، علی مہدی

اسلام ٹائمز۔ امامیہ اسٹوڈنٹس آرگنائزیشن پاکستان کے مرکزی صدر علی مہدی نے لاہور میں تنظیم کے مرکزی سیکریٹریٹ سے جاری کئے گئے اپنے بیان میں کہا ہے کہ بیروت میں خودکش دھماکے اسرائیلی اور سعودی حمایت یافتہ تکفیری دہشت گردوں کی کارستانی ہے، اس کی جتنی بھی مذمت کی جائے کم ہے۔ انہوں نے کہا کہ یہ واقعہ قابل افسوس ہے، لیکن دہشت گردوں کے ہتھکنڈوں سے حزب اللہ کے مجاہدین اور فلسطین و لبنانی عوام کے حوصلے پست نہیں کئے جا سکتے۔ انہوں نے کہا کہ مشرق وسطٰی میں اسرائیل اور اسکے حامی قیام امن کی راہ میں سب سے بڑی رکاوٹ ہیں۔ بعض عرب ممالک کی ناعاقبت اندیشی کی وجہ فلسطین، شام، عراق، بحرین اور یمن کے مسلمان عوام اسرائیلی اور تکفیری دہشت گردی کا شکار ہیں۔