اسلام ٹائمز۔ پاکستان پیپلز پارٹی کے چیئرمین بلاول بھٹو زرداری نے سندھ کی 81 یونین کونسلز میں بلدیاتی انتخابات ملتوی کرنے کے فیصلہ کو متنازع قرار دے دیا ہے۔ سماجی رابطے کی ویب سائٹ ٹوئٹر پر اپنے بیان میں پیپلز پارٹی کے چیئرمین بلاول بھٹو زرداری نے الیکشن کمیشن کی جانب سے 81 یونین کونسلز میں الیکشن ملتوی کرنے کے فیصلے کو شدید تنقید کا نشانہ بناتے ہوئے، اسے منتازع فیصلہ قرار دیا۔ بلاول بھٹو کا کہنا تھا کہ انتخابات سے صرف ایک روز قبل صرف سندھ کے چند اضلاع میں الیکشن ملتوی کرنا انتہائی متنازع فیصلہ ہے۔