اسلام ٹائمز - بھارت میں قومی ترانے میں کھڑے نہ ہونے پر مسلم فیملی کو سنیما سے باہر نکال دیا گیا

بھارت میں قومی ترانے میں کھڑے نہ ہونے پر مسلم فیملی کو سنیما سے باہر نکال دیا گیا

اسلام ٹائمز: واقعہ ممبئی کے سنیما میں ہوا، جہاں لوگوں کے شور پر مینیجر نے مسلمان خاندان کو وہاں سے باہر نکال دیا جب کہ مہاراشٹر حکومت کے مطابق ہر سنیما میں بھارتی قومی ترانہ چلایا جاتا ہے اور اس کا احترام بھی لازمی قرار دیا گیا ہے۔

اسلام ٹائمز۔ بھارت میں قومی ترانے کے احترام میں کھڑے نہ ہونے پر مسلم خاندان کو سینما سے باہر نکال دیا گیا۔ سوشل میڈیا پر تیزی سے پھیلتی ہوئی ویڈیو میں دیکھا جاسکتا ہے کہ ایک مسلم خاندان کو کئی لوگوں نے دائرے کی صورت میں گھیرا ہوا ہے، جس میں خاندان کا سربراہ ان سے بحث کررہا ہے لیکن آخر کار اس خاندان کو مجبور ہوکر سنیما ہال چھوڑنا پڑگیا اور وہاں موجود لوگ ان کے باہر جانے پر خوش نظر آرہے ہیں۔ بھارتی خبر رساں ویب سائٹ کے مطابق واقعہ ممبئی کے سنیما میں ہوا، جہاں لوگوں کے شور پر مینیجر نے مسلمان خاندان کو وہاں سے باہر نکال دیا جب کہ مہاراشٹر حکومت کے مطابق ہر سنیما میں بھارتی قومی ترانہ چلایا جاتا ہے اور اس کا احترام بھی لازمی قرار دیا گیا ہے۔ تاہم قومی ترانے پر کھڑے نہ ہونے کے باعث مسلم خاندان کو سینما گھر سے باہر نکالا گیا۔ پولیس کے مطابق اس واقعے کی کوئی ایف آئی آر درج نہیں ہوئی اور نہ ہی یہ کوئی مذہبی معاملہ ہے۔