نئی دہلی:بھارت میں ہونے والے لوک سبھا کے انتخابات میں بھارتیہ جنتا پارٹی نے اپنی شکست تسلیم کرلی ہے۔ بھارتی ٹی وی کے مطابق پارٹی کے صدر راج ناتھ سنگھ کا کہنا تھا کہ انتخابات کے نتائج غیر متوقع اور مایوس کن ہیں۔ بی جے پی کے ترجمان کے مطابق حکومتی اتحاد یو پی اے نے اکثریت حاصل کرلی ہے اور یہ نتائج بی جے پی کیلئے مایوس کن ہیں۔ان کا کہنا تھا کہ اس ناکامی پر پارٹی کے پارلیمانی بورڈ کے اجلاس میں غور کیا جائے گا۔