اسلام ٹائمز۔ پولیس نے کراچی کے علاقے ناظم آباد میں کارروائی کرتے ہوئے راولپنڈی میں سابق صوبائی وزیر پنجاب راجا بشارت کے بھانجے کو قتل کرنے والے 2 ملزمان کو گرفتار کرلیا ہے۔ تفصیلات کے مطابق پولیس نے ناظم آباد کے علاقے میں کارروائی کرتے ہوئے 5 دسمبر کو سابق صوبائی وزیر پنجاب راجا بشارت کے بھانجے شعیب کے قتل میں ملوث 2 ملزمان عمر اور عادل کو گرفتار کرلیا ہے۔ کارروائی کے دوران ملزمان کے 3 ساتھی فرار ہونے میں کامیاب ہوگئے۔ پولیس کے مطابق ملزمان شعیب کو قتل کرنے کے بعد کراچی میں آکر روپوش ہوگئے تھے۔