اسلام ٹائمز۔ وفاق المدارس العربیہ پاکستان کے رہنما مولانا طاہر مسعود نے بھکر میں میڈیا کو جاری کیے گئے بیان میں کہا ہے کہ دہشت گردوں کے خلاف پاک فوج کے شانہ بشانہ کھڑے ہیں۔ وفاق المدارس العربیہ پاکستان کے رہنما نے کہا کہ دہشت گردوں کے خلاف پاک فوج کے شانہ بشانہ کھڑے ہیں، ضرب عضب کے مثبت اور اچھے نتائج قوم کے سامنے آئے ہیں، ایسے مقاصد کو مکمل کرنا چاہئے۔ انہوں نے کہا کہ بعض شر پسند عناصر دینی مدارس کو بدنام کرنے کی کوشش کر رہے ہیں۔