QR Code

عوام زمینوں پر قبضے کی دھمکیاں دینے والوں کا محاسبہ کریں گے، حمزہ شہباز

21 Dec 2015 17:29

اسلام ٹائمز: لودھراں میں این اے 154 میں ضمنی الیکشن کے سلسلے میں جلسہ عام سے خطاب کرتے ہوئے مسلم لیگ ن کے رہنما کا کہنا تھا کہ عمران خان میلی آنکھ سے کسی کی زمین کی طرف نہیں دیکھ سکتے اگر انہوں نے ایسا کرنے کی کوشش کی تو عوام ان کا محاسبہ کریں گے۔

اسلام ٹائمز۔ مسلم لیگ کے رہنما میاں حمزہ شہباز نے لودھراں میں این اے 154 کے ضمنی انتخاب میں مسلم لیگ (ن)کے امیدوار صدیق بلوچ کے جلسے سے خطاب کرتے ہوئے کہا کہ کل عمران خان نے میانوالی میں غریبوں کو دھمکی دی تھی کہ زمین دے دو ورنہ میرے پاس اور بھی طریقے ہیں۔ عمران خان میلی آنکھ سے کسی کی زمین کی طرف نہیں دیکھ سکتے۔ اگر انہوں نے ایسا کرنے کی کوشش کی تو عوام ان کا محاسبہ کریں گے۔ ان کا کہنا تھا کہ عمران خان صاحب کنٹینر پر چڑھ کر پارلیمنٹ کو برا بھلا کہتے اور عزت دار لوگوں کے نام لے کر ان کی عزت اچھالتے ہیں اور جب کسانوں کے لئے پیکج کا اعلان کیا گیا تو وہ اس کے خلاف اسٹے آرڈر لینے عدالت پہنچ گئے۔

خبر کا کوڈ: 506772