آیت اللہ سید علی خامنہ ای کی طرف سے کشمیر کی تحریک آزادی کی حمایت نے بھارتی ایوانوں کا ہلا کر رکھ دیا ہے،نثار حسین راتھر

سری نگر:اسلام ٹائمز-حریت کانفرنس کے سینئر لیڈر اور تحریک نفاذ شریعت کے سربراہ نثار حسین راتھر نے کہا کہ آیت اللہ سید علی خامنہ ای کی طرف سے کشمیر کی تحریک آزادی کی حمایت نے بھارتی ایوانوں کا ہلا کر رکھ دیا ہے، بھارت اسقدر گھبراہٹ کا شکار ہو گیا ہے کہ حق بیانی برداشت نہ کرتے ہوئے ایران کیخلاف آسمان سر پر اٹھایا ہے۔ اپنے ایک بیان میں انہوں نے کہا کہ ایران روز اول سے کشمیر میں جاری حق خود ارادیت کی تحریک کی حمایت کرتا آیا ہے اور امام خمینی رہ نے 1962ء میں کشمیر پر بھارت کے قبضہ کےخلاف کشمیریوں کی تحریک آزاد ی کی حمایت کی تھی۔