بلتستان نے برف کی چادر اوڑھ لی، وقفے وقفے سے برفباری جاری، نظام زندگی معطل

اسلام ٹائمز۔ گلگت بلتستان کے بالائی علاقوں میں میں وقفے وقفے سے ہونے والی برف باری سے سردی اضافہ ہوا ہے۔ بلتستان کے تمام علاقوں سمیت استور کی وادیوں نے برف کی چادر اوڑھ لی ہے۔ بلتستان سے سب سے کم درجہ حرارت منفی بارہ تک ریکارڈ کیا گیا ہے۔ خون جمادینے والی سردی نے شہریوں کے معمولات زندگی بھی منجمد کردیے ہیں۔ محکمہ موسمیات کے مطابق آئندہ 24 گھنٹوں کے دوران بھی بلتستان میں برفباری کی پیشن گوئی کی گئی ہے۔ بلتستان میں برفباری کے باعث تمام وادیوں سے زمینی رابطہ منقطع ہوگیا ہے۔