نیب بلوچستان نے سی اینڈ ڈبلیو میں غیر قانونی بھرتیوں کے الزام میں سیکشن آفیسر کو گرفتار کرلیا

اسلام ٹائمز۔ قومی احتساب بیورو (نیب) بلوچستان نے محکمہ کمیونیکیشن اینڈ ورکس (سی اینڈ ڈبلیو) میں غیر قانونی بھرتیوں کے الزام میں سیکشن آفیسر کو گرفتار کرلیا۔ جسکا احتساب عدالت ون کوئٹہ کے جج نے 14 روزہ ریمانڈ دیدیا ہے۔ نیب ذرائع کے مطابق گذشتہ روز سی اینڈ ڈبلیو میں غیر قانونی بھرتیوں میں ملوث سیکشن آفیسر ملزم افتخار علی کو نیب نے گرفتار کرلیا۔ جسے احتساب عدالت کوئٹہ ون میں پیش کرکے ریمانڈ کی استدعا کی گئی۔ جس پر عدالت کے جج نے ان کا 14 روزہ ریمانڈ دیدیا ہے۔ مذکورہ ملزم پر گذشتہ حکومت کے دوران سی اینڈ ڈبلیو میں غیر قانونی بھرتیوں کا الزام ہے۔