فضائیہ کا بغیر پائلٹ طیارہ معمول کی پرواز کے دوران چنیوٹ کے قریب گر کر تباہ

اسلام ٹائمز۔ ترجمان پاک فضائیہ کے مطابق پنجاب کے ضلع چنیوٹ میں بغیر پائلٹ طیارہ کسی خرابی کی وجہ سے گر کر تباہ ہو گیا ہے۔ ترجمان نے میڈیا کو بتایا کہ بغیر پائلٹ طیارہ تربیتی پرواز پر تھا، حادثے میں کسی جانی ومالی نقصان کی اطلاع نہیں ملی۔ پاک فضائیہ کے ترجمان کا کہنا تھا کہ ہیڈ کوارٹرز نے حادثے کی وجوہات کے تعین کیلئے انکوائری کا حکم دیدیا ہے۔