امریکہ پوری دنیا پر جنگ مسلط کرنا چاہتا ہے، ،مولانا فضل الرحمن

اسلام ٹائمز۔جمعیت علمائے پاکستان (ف) کے سربراہ اور کشمیر کمیٹی کے چیئرمین مولانا فضل الرحمن نے کہا کہ آرمی چیف نے اپنے بیان سے پاک فوج کی روایات کو پروان چڑھایا ہے۔ جنرل اپنی مدت بڑھانے کے لئے پریشر ڈالتے ہیں اور سیاست کرتے ہیں لیکن آرمی چیف جنرل راحیل شریف نے مدت ملازمت میں توسیع کے حوالے سے اٹھنے والی افواہوں کو دفن کر دیا۔ اُنہوں نے مزید کہا کہ پوری دنیا پر جنگ مسلط کرنے والی قوت امریکہ ہے۔ بین الاقوامی ایجنڈا خطے میں جنگ کو توسیع دے رہا ہے۔ سانحہ چارسدہ قابل مذمت ہے۔ ہمیں بین الاقوامی ایجنڈے سے ہٹ کر اپنی پالیسیوں پر غور کرنا ہو گا۔ ان کا مزید کہنا تھا کہ کشمیر اور افغانستان سمیت پورے خطے میں صورتحال بہتر بنانے کی ضرورت ہے۔