اسلام ٹائمز۔ سندھ حکومت نے 5 فروری کو یوم کشمیر پر صوبے بھر میں عام تعطیل کا اعلان کیا ہے۔ تفصیلات کے مطابق سندھ حکومت نے 5 فروری کو کشمیریوں سے اظہار یکجہتی کیلئے صوبے بھر میں عام تعطیل کا اعلان کیا ہے، جس کا نوٹیفکیشن بھی جاری کر دیا گیا ہے۔ نوٹیفکیشن کے مطابق 5 فروری کو تمام سرکاری، نیم سرکاری دفاتر، تعلیمی ادارے اور خودمختار کارپوریشنز بند رہیں گی، جبکہ کشمیری شہداء کی یاد میں 5 فروری کی صبح 10 بجے ایک منٹ کیلئے خاموشی بھی اختیار کی جائے گی۔