اسلام ٹائمز۔ لاہور پولیس نے پرائیویٹ سکولوں کو سکیورٹی دینے سے ہاتھ کھڑے کر دیئے۔ ڈی آئی جی آپریشنز پنجاب ڈاکٹر حیدر اشرف کا کہنا ہے کہ ہر سکول کو سکیورٹی فراہم نہیں کر سکتے، پرائیوٹ سکولز کو اپنی حفاظت کا بندوبست خود کرنا ہو گا۔ ڈی آئی جی آپریشنز پنجاب ڈاکٹر حیدر اشرف کا کہنا ہے کہ سکیورٹی کی ساری ذمہ داری پرائیویٹ گارڈز پر نہیں ڈالی، ہمیں معلوم ہے کہ یہ ہماری ذمہ داری ہے لیکن ہر سکول کو سکیورٹی فراہم کرنا پولیس کے بس کی بات نہیں ہے۔ ان کا کہنا تھا پرائیوٹ سکولز کو اپنی سکیورٹی کا بندوبست خود کرنا ہوگا، البتہ سکیورٹی گارڈز کی تربیت کا بندوبست کیا جا رہا ہے۔