اسلام ٹائمز۔ ملتان میں دھڑ جڑی بچیوں کی طبعیت خراب ہونے پر انھیں دوبارہ چلڈرن ہسپتال منتقل کر دیا گیا ہے۔ دھڑ جڑی بچیوں کو طبعیت خراب ہونے پر دوپارہ چلڈرن ہسپتال کے شعبہ انتہائی نگہداشت میں داخل کرا دیا گیا ہے۔ 14 روز پہلے بوسن روڈ کے رہائشی نذر عباس کے ہاں تین بچیاں بیک وقت پیدا ہوئی تھیں، جن میں سے علیزہ اور فاطمہ کا دھڑ آپس میں جڑا ہوا تھا، تاہم ڈاکٹروں کی جانب سے ان کی صحت ٹھیک ہونے پر انھیں گھر بھیج دیا گیا تھا۔ والدین کے مطابق بچییوں نے دودھ لینا بند کر دیا تھا جس پر ان کی طبعیت خراب ہو گئی ہے، یہی وجہ ہے کہ انھیں دوبارہ ہسپتال منتقل کیا گیا ہے۔