اسلام ٹائمز۔ فرانس نے کہا ہے کہ اتحادی افواج کے فضائی حملوں سے داعش بڑی حد تک کمزور پڑ گئی ہے، اب وہ جنگ جیتنے یا پھر کسی علاقے پر قبضہ کرنے کی صلاحیت نہیں رکھتی، اتحادی جنگی طیاروں نے شدت پسند تنظیم کو کافی نقصان پہنچایا، اب داعش کو حملے کرنے کی بجائے اپنے دفاع کی فکر پڑ گئی ہے۔ فرانس کی جانب سے داعش کے خلاف فضائی کارروائیوں کے کمانڈر وائس ایڈمیرل رینیجین نے برطانوی خبر رساں ادارے کو بتایا کہ داعش کے ٹھکانوں پر اتحادی افواج کی بمباری سے شدت پسند تنظیم کو بہت نقصان ہوا ہے اور وہ حملے کرنے کے بجائے اپنا دفاع کر رہے ہیں۔ فرانس نے گذشتہ سال نومبر میں پیرس میں ہونے والے حملوں کے بعد عراق اور شام میں داعش کے خلاف فضائی کارروائیاں شروع کی تھیں۔ خبر رساں ادارے کے مطابق فرانس کے بحری بیڑے سے داعش کے ٹھکانوں پر یومیہ اوسطً 20 حملے کیے جاتے ہیں۔

اسلام ٹائمز