کراچی میں 2016ء کا پہلا پولیو کیس سامنے آگیا، صوبائی محکمہ صحت کی تصدیق

اسلام ٹائمز۔ شہر قائد کے علاقے گڈاپ سے شہر میں سال کا پہلا پولیو کیس سامنے آیا ہے، جس کی تصدیق صوبائی محکمہ صحت نے بھی کر دی ہے۔ تفصلات کے مطابق کراچی کے علاقے گڈاپ کی یو سی 7 کے رہائشی 3 سالہ اعجاز خان ولد شیر علی خان میں پولیو وائرس کی تصدیق ہوئی ہے۔ اعجاز خان کے والدین کا کہنا ہے کہ بچے کو کم از کم 9 مرتبہ پولیو سے بچاؤ کے قطرے پلائے گئے تھے۔ واضح رہے کہ اعجاز خان رواں سال پہلا بچہ ہے، جس میں پولیو وائرس کی تصدیق ہوئی ہے۔