ایم ڈبلیو ایم کے سربراہ علامہ راجہ ناصر عباس جعفری دو روزہ دورے پر ہفتے کو ملتان پہنچیں گے

اسلام ٹائمز۔ مجلس وحدت مسلمین کے سربراہ علامہ راجہ ناصر عباس جعفری ہفتے کو گیارہ بجے دن دو روزہ دورے پر ملتان پہنچیں گے۔ ایم ڈبلیو ایم جنوبی پنجاب کے میڈیا کوارڈینیٹر کے مطابق دو روزہ دورے کے دوران ملتان میں مختلف شخصیات سے ملاقاتیں، وکلاء، تنظیمی شخصیات سے ملاقات کریں گے۔ علامہ ناصر عباس جعفری ملتان میں وفات پا جانے والی اہم شخصیات کے خانوادگان سے اظہار تعزیت کریں گے۔ ثقلین نقوی کے مطابق مختلف شخصیات کی جانب سے اُن کے اعزاز میں مختلف تقاریب میں شرکت اور خطاب کریں گے جبکہ اتوار کو میڈیا کے اعزاز میں دی گئی نشست میں خصوصی شرکت اور خطاب کریں گے۔