اسلام ٹائمز۔ پشاور پولیس اور سیکیورٹی فورسز نے مشترکہ سرچ آپریشن کے دورن 2 افغان باشندوں سمیت چار مشتبہ افراد کو حراست میں لے لیا۔ پولیس کے مطابق مشترکہ سرچ آپریشن تھانہ تہکال کی حدود میں سبحان آباد کے علاقہ میں کیا گیا۔ جس میں دو افغان باشندوں سمیت چار مشتبہ افراد کو حراست میں لیا گیا۔ آپریشن کے دوران لیڈیز پولیس کی مدد سے پچاس سے زیادہ گھروں کو چیک کیا گیا۔ اور کرایہ داروں کے کوائف نہ دینے پر 20 مالک مکانوں کو نوٹسز بھی جاری کئے گئے۔